Я праз цябе бачу сьвет У чароўным сьвятле. Гіне цяпер пустацьвет, Сьпее плод на стале. Тут ня ігруша, - ігра, Сьпеў Эрота ў цішы. Дыхай вульканам, гара, Маё гора глушы. Гора мінулых гадоў - Як гарачы агонь. Грукат чужых гарадоў Сівізной мне на скронь. Любая, дзейсны вулькан! Хмару полымем змый, Я разумею твой стан, Створым казку і мы. Ведзьма няхай нам усьлед Не ляціць на мятле... Я праз цябе бачу сьвет У чароўным сьвятле.
|
|